Es is scho einige Jahre her, do hods in Obaviahbo a paar Bulldognarrische gebn, de se oiwei wieda in eanana Werkstatt zum Bulldogherrichten, oda a amoi im Wirtshaus auf an Ratsch troffa ham.
2007 is spontan die Idee entstanden a Bulldogtreffen zum hoidn. Dafür braucht ma aba an Vereinsnamen. Über den is lang beratschlagt wordn, damit’s für jedn paßt, weil neba an Haufa Eicherfahrer, san a hoid eigfleischte Bautz-, Porsche- und Güldnerfahrer und andere Fabrikate dabei.
Zusammen mim Mayrl Sepp, dem damaligen Wirt in Obaviahbo, is am 29.09.2007 soweit gwesn. Für des, das ma ja bloß a kloans Dorf san, warn scho vui Leid do und auf d’Nacht hamma den Tag no beim Erntetanz beim Wirt ausklinga lassn..

Am 17.08.2008 hama dann des 2. Bulldogtreffen im Rahmen vom Volksfest in Niederviehbach abghoidn. Des war ned schlecht, aber es war schnell klar, dass ma des Ganze wieda auf Obaviahbo zrucklegn muass und dass ma den Verein offiziell macha miassn. Und so ham se am 10.02.2009, da Duschl Erwin, da Duschl Franz, da Duschl Hans, da Duschl Marco, da Dürmer Marcus, da Harlander Jakob, da Lange Wolfe, da Limbrunner Georg ( = Haager), da Reuter Ernst, da Rohrmoser Bernhard, da Schemmerer Richard und da Seisenberger Christian, zamgesessn und den Verein „Freunde alter deutscher Schlepper“ offiziell gegründet.
Somit war dann am 09.08.2009 des 3. Bulldogtreffen am Dorfplatz in Obaviahbo. De Beteiligung war so groß, dass da Dorfplatz aus olle Nähte platzt is. Die Folge do draus, ebs Neis muass her ! Es war ganz klar, vo Obaviahbo geh ma nimma weg, aba bloß wohi ? Die Lösung war da Sportplatz !
Am 08.08.2010 is dann des 4. Treffen do ghoidn wordn mit no mehra Teilnehmern und Besuchern.
Da eigens dafür kaffte Fallschirm, als Sonnenschutz, hods richtig gmiatlich gmacht. Aba leida war er a scho wieda z’kloa für den riesigen Ansturm.
2012 hammas dann zwoa Tog lang gmacht. So war am 07.07.2012, am Samstag auf d’Nacht, Schlagerparty und am nächstn Tog dann des 5. Bulldogtreffen. Obwoi ma zum Fallschirm dazua a no a Zelt aufgstoid ham, war’s, bis ma gschaud ham, wieda z’kloa. 2014 hods leida terminlich ned mit zwoa Tog klappt. Dafür war ma am 27.07.2014 froh um des neie große Zelt, weil’s in da Friah scho grengt hod. Gott sei Dank ham se de Bulldogfahrer ned abschrecken lassen, s’Wetta hod späta a aufgrissn und somit hamma mit ca. 300 Bulldog und über 1500 Besuchern a saubers Fest ghabt.
Am 30. Und 31.07.2016 war`s wieder so weit. Mit einer Super-Schlepper-Schlager-Sause startete man am Samstagabend das 7. Bulldogtreffen. Am Sonntag nach dem Weckruf um sechs Uhr morgens kamen ab 8.30 Uhr die Oldtimer aus allen Richtungen nach Oberviehbach gefahren. Den ganzen Vormittag wurden es immer mehr, über 320 Schlepper waren es die zum Festgelände kamen. Höhepunkt war am Nachmittag die Verlosung eines Eicher Panther mit 19 PS als ersten Preis. Als zweiten Preis gab es eine Motorsäge und als dritten Preis einen Schubkarren mit einem Kasten Bier drauf.